Yagua Health ta continua na compromete na mehora e acceso di servicio diagnostico di calidad na Aruba. Na 2022, oficialmente a informa Gobierno di Aruba, actualmente demisonario, entidadnan di Salud Publico clave, hunto cu socionan di hospital encuanto e compromiso pa amplia e servicionan di diagnostico segun inversionan priva. Yagua Health ta di pensamento, y ainda ta di opinion, cu priorisacion di e servicio di MRI ta ofrece capacidad adicional y uno necesario pa yuda na alivia e lista di espera cu tin actualmente, cu por compromete e cuido esencial aki. Como parti di e iniciativa, a ofrece e servicio na 2022 na e mesun prijs cu AZV ta pagando actualmente, pa asina por amplia e capacidad y asegura accesibilidad di e servicio di MRI localmente. Un servicio cu ta inclui estudionan specifico di MRI cu actualmente ta wordo referi na otro pais di por ehempel, Colombia. Ta di menciona cu a pesar di e tur esfuerso, no a logra ofrece e servicio aki na pashentnan cu ta riba lista di espera, pa motibo cu no a alivia acceso na e servicio adicional y disponibel na pashentnan menciona.

Cu comprension na e necesidad pa un diagnostico oportuno, y segun e demanda ricibi di pashentnan cu ta dispuesto pa paga pa un servicio accesible, Yagua Health lo sigui enfoca na priorisa e pashent como uno central. Efectivo inmediatamente, Punta Brabo Diagnostics lo brinda servicio di MRI na prijs di mas abou posibel na e comunidad general. Ubica na Caya Punta Brabo 11 A, banda di Dr. Horacio E. Oduber Hospital, e centro di diagnostico lo asegura pa mas persona den comunidad por tin acceso na imagen esencial, si encaso nan ta desea di no usa nan derecho como asegurado. Yagua Health ta di pensamento cu a inversionan priva por wordo integra den nos sistema a​​ctual di salud na beneficio di e comunidad en general. 

Mientras tanto, lo continua na convence autoridadnan den cuido di salud pa uni forsa cu Punta Brabo Diagnostics Aruba pa kita e obstaculonan innecesario cu ta limita e comunidad acceso na cuido di salud awendia.

Na Yagua Health, nos ta kere cu acceso general na imagen medico avansa ta un parti fundamental den cuido di salud di calidad. Lo sigui inverti den solucionan innovador pa sostene bienestar di e comunidad di Aruba y contribui na un sistema di salud mas fuerte y eficiente.

Pa mas informacion of cita, por tuma contacto cu Yagua Health na Punta Brabo Diagnostics na +297 5975549 of +297 5860448. Bishita nos pagina di Facebook y Instagram: Punta Brabo Diagnostics.