Na Aruba, unda e calidad di transporte publico ta laga di desea, transporte ilegal di pasahero, hopi biaha yama “taxi pirata,” ta un fenomeno creciente. E transporte informal aki ta provee un necesidad esencial pa hopi habitante cu no por paga un auto propio, pero e ta trece tambe riesgonan considerabel cu ne. Aunke e ta pasando pa añanan caba, e ta keda prohibi, y e consecuencianan por ta serio, tanto pa pasahero como pa chauffeur. 

E necesidad di transporte ilegal di pasahero E nucleo di e problema ta sinta den e servicionan di transporte publico deficiente riba e isla. Busnan ta core iregular y e rutanan disponibel no ta cubri semper e areanan remoto unda hende ta biba of traha. Pa hopi, cumpra un auto propio ta financieramente imposibel, locual ta haci nan dependiente di transporte ilegal pa yega na tempo na trabou, scol of otro destinacionnan. 

E necesidad aki ta forsa hopi habitante den man di chauffeurnan no regula, a pesar di e riesgonan inherente. Riesgo pa pasaheronan Uza transporte ilegal ta trece varios riesgo cu ne pa pasaheronan. Sin permiso, no tin garantia cu e chauffeur a pasa un control di antecedente of cu e vehiculo ta sigur. Tambe no tin seguro cu ta cubri e pasaheronan den caso di un accidente. Ademas, e chauffeur por ta bou influencia di alcohol of droga, locual ta aumenta e chens di accidentenan. E ausencia di registracion oficial ta nifica cu pasaheronan hopi biaha ta keda sin proteccion y recurso den caso di incidentenan. 

Transporte ilegal di muchanan di scol Banda di e transporte ilegal di adultonan, tambe tin transporte no-regula di muchanan di scol. Hopi mayor ta scoge p’e opcion aki pasobra busnan escolar regular no ta semper Transporte ilegal di pasahero na Aruba: Un sistema vulnerabel di necesidad y riesgo disponibel of no ta cuadra cu nan orario di trabao. Mientras esaki ta ofrece un solucion pa mayornan cu di otro manera lo tin dificultad pa hiba nan yiunan scol, e ta expone muchanan n’e mesun peligernan cu pasaheronan adulto. Vehiculonan insigur y chauffeurnan desconoci ta forma un riesgo directo p’e siguridad di e muchanan. 

Motivacion di chauffeurnan ilegal P’e chauffeurnan mes, transporta pasaheronan ilegalmente ta ofrece un fuente bonbini di entrada extra, specialmente den temponan economico dificil. Pa algun, e ta un manera pa sobrevivi. Sinembargo, door di traha sin permiso, nan ta core e riesgo di haya multanan pisa of hasta castigo di prizon. Ademas, no tin proteccion legal p’e chauffeurnan aki den caso di un disputa cu pasaheronan of den caso di un accidente di trafico. 

E necesidad di reforma den transporte publico E transporte ilegal di persona na Aruba ta un sintoma di un problema mas profundo: e fayo di e sistema di transporte publico pa provee den e necesidadnan di e poblacion. Pa atende e problema, gobierno mester inverti urgentemente den miho opcionnan di transporte publico y mas accesibel. Esaki lo no solamente reduci e dependencia riba servicionan ilegal, pero tambe lo mehora e siguridad di e ciudadanonan considerablemente. Te n’e momento ey, transporte ilegal ta keda un parti controversial pero inevitabel di e bida diario na Aruba.