Estimado AWEMainta,

Como un lector fiel y un persona profundamente inverti den e balornan di comunidad di Aruba, mi ta sinti mi obliga pa comparti mi preocupacionnan tocante dos asunto urgente: e mal uso di libertad di expresion como discurso di odio y e complicidad di negoshinan grandi den promove retorica dañino. E asuntonan aki por parce separa, pero nan ta profundamente entrelasa y tin implicacionnan significante pa nos sociedad.

Mi a experiencia personalmente e efectonan devastador di discurso di odio (Hate Speech) disfrasa como libertad di expresion den un otro medio di comunicacion. E atakenan no tabata solamente critico pero deshumanisante, causando dolor personal y plamando division den comunidad. Loke a haci’e pio tabata e defensa di e medio di comunicacion, alegando cu tur cos tabata dentro di e limite di libertad di expresion. E mal uso aki di un derecho fundamental a sinti manera un traicion di e principionan cu mester guia nos sociedad: respet, dialogo, y unidad.

Loke ta empeora e problema ta cu algun di e negoshinan mas grandi y respeta di Aruba ta sigui patrocina y haci publicidad riba e plataformanan aki. Haciendo esaki, nan no ta solamente asociando pasivamente cu retorica dañino; nan ta financiando e. Ora negoshinan ta alinea nan marca cu un medio di comunicacion, e ta manda un mensahe di aprobacion, sea intencional of no. E excusa di “negoshi ta negoshi” no ta absolve nan di responsabilidad – e ta haci nan complice.

Den e mundo di awe, responsabilidad ta no-negociabel. Negoshinan tin e hermentnan pa investiga nan patrocinionan y partnershipnan. Nan mester uza e hermentnan aki pa sigura cu nan accionnan ta alinea cu e etica cu nan ta pretende di mantene. Apoya plataformanan cu ta haci daño na comunidad ta mina e confiansa cu nos ta pone den nan y ta debilita e structura moral di nos sociedad.

Pa sigui padilanti, mi ta kere cu nos mester atende e asuntonan aki colectivamente. Plataformanan di media mester adopta guia mas fuerte pa diferencia libertad di expresion di discurso di odio y wordo teni responsabel pa e daño cu nan contenido ta causa. Negosinan mester evalua e impacto mas amplio di nan patrocinionan y priorisa integridad riba ganashi. Como consumidor, nos tin un rol pa hunga tambe. Laga nos haci preguntanan dificil, exigi transparencia, y apoya negoshinan cu ta lidera cu ehempel.

Hunto, nos por crea un comunidad unda libertad di expresion ta eleva en bes di dividi y unda negoshinan ta actua como guardian di e balornan cu nan ta pretende di defende. Palabra y accionnan ta importa, y con nos ta uza nan lo defini e tipo di Aruba cu nos ta laga pa futuro generacionnan.

Atentamente,

Un Lector Preocupa y Defensor pa un Miho Aruba