Segun Aruba ta explora innovacionnan moderno den agricultura — for di hidroponia te cu greenhousenan cu clima controla — ta importante pa pausa y reflexiona: Unda nos agricultura a cuminsa? Ken a cargu’e, temporada tras temporada, durante di sekia, biento, y solo?

Nos no mester lubida e cunukeronan. Esunnan cu ainda ta lanta cu solo, ta traha e tera cu nan man, y ta planta uzando e metodonan pasa abou di generacion pa generacion. Nan kisas no tin ekiponan sofistica, sistemanan automatico, of diplomanan avansa, pero nan ta carga cu nan algo asina valioso: e alma di agricultura di Aruba.

Den e aceleracion pa agricultura inteligente, tin un peliger di sin intencion pusha un banda esnan cu ta cultiva na e manera tradicional. Tecnicanan moderno por priminti mas rendimento, menos uzo di awa, of cosechanan henter aña — pero laga nos no perde bista di e cultivonan chikito y honesto cu a alimenta nos pueblo hopi prome cu agricultura tabata tin tecnologia.

E Sabor di Tera y e Luga di Tradicion

Puntra cualkier grandi di e isla tocante cuminda Arubiano real, y lo bo tende di concomber chikíto, yambo, bonchi, patia, pampuna, y calbas. E cultivonan aki no a bin for di laboratorio of manual — nan a bin for di e cunucu, for di agricultornan cu a siña dor di wak shelo, scucha tera, y respeta e temporadanan.

Nan a duna nos sabor, tradicion, y sobrevivencia. Y ainda nan ta haci esey.

Inovacion y Tradicion Por Coexisti

No tin nada robes cu progreso. De echo, agricultura moderno por yuda resolve problemanan serio manera siguridad alimentario, costonan subiendo, y recursonan di awa limita. Pero inovacion nunca no mester bin na costo di ignora of reemplasa e balor cultural y resiliencia di agricultura tradicional.

En bes di pusha nos cunukeronan pafo, nos mester puntra: Con nos por sostene nan? Con hermentnan moderno por complementa — no elimina — nan metodonan?

Kisas ta dor di provee nan cu acceso na hermentnan di  menos costo cu ta respeta nan estilo. Kisas ta creando mercadonan cu ta facilita producto local of organisando festivalnan y programanan educativo cu ta celebra cultivonan tradicional. Of kisas ta djis asina simpel manera cumpra directamente for di nan — duna nan producto un luga di orguyo den nos cushinanan y riba nos menu.

Agricultura no Ta Solamente Negoshi — E Ta Identidad

Agricultura no ta solamente tocante produccion. Pa hopi agricultor tradicional, e ta tocante identidad. E ta tocante tera cu a keda den famia pa generacionnan. E ta tocante comunidad. E ta tocante ta parti di algo cu ta hancra den historia di e isla.

Ora nos ta ignora esaki, nos no ta djis perde cultivo — nos ta perde conexion.

Segun Aruba ta avansa den fronteranan agricola nobo, laga nos corda pa carga nos raiznan cu nos. E cunukero kisas no ta aparece den presentacionnan of raportnan di inovacion, pero nan dedicacion a nutri e isla aki pa generacionnan.

Inovacion tin su luga — pero asina tambe sabiduria for di tera. Laga nos sigura cu futuro di agricultura na Aruba no ta lubida unda el a cuminsa.