Mama, un dedicacion 

Mama, nos bendicion

Tur dia cu su amor 

Tur cos cu e por

Un yamada di un mama

Tapa herida cu ta sana

Mama tin tur pasenshi 

Mama cu bon consenshi

Cu su fe den su Creador

Rondona y inspira

Nos tur cu su calor

Hende muhe bendiciona

Felis Dia di Mama !

Ruthy”Lady Ruth”

Mei 2025

AMI TAMBE TA MAMA

Sin sa su nificacion

Sin sa su balor

Mi a accepta cu emocion

Pa sinya ta un mama

Cu pasion y dedicacion

Cu alegria sigui plama

Inspira mi yiunan stima

Cu gracia for di ariba

Cu fe den mi deposita

Cu forsa na mi duna

Pa a guia y supervisa

Nan pasonan tur dia

Den salud y sabiduria

Cu ehempelnan bon

Di mi mama na mente

Mi a perservera fielmente

Awe den nan sapato para

Firme, honesto y bon educa

Mi regalo bek na Creador

Cu su stimacion mi por

A logra dia pa dia 

Hopi biaha na rudia

Un dushi Dia di Mama!

Ruthy” Lady Ruth”

PETRONILIA MERCEDES BERGEN TROMP

NAN TA YAME MERCEDES, MERCE, CHEDE, CHELY 

NOS TA YAME MAMA OF MAYO CU AMOR

RUMAN MAYOR DI SU 11 RUMANNAN

MAMA DI SU 4 YIUNAN

ROY, RO, LUCKY Y AMI SU UNICO YIU MUHE

MAMA TA NOS BENDICION

NOS REINA, NOS ANGEL

MAMA TA NOS INSPIRACION

SU DEDICACION ,SU TEMPO, SU ATENCION

PA NOS TA IMPAGABEL

SU CRENCHI ALZHEIMER SU CRENCHI DEMENTIA

NO TA STROBA NOS DI STIM’E Y CUID’E TUR DIA

MAYO TA KETOBAY NOS DUSHI ALEGRIA

E POR ZUNDRA Y BISA COSNAN CU NOS NO TA COMPRENDE TUR ORA

OF COSNAN PA NOS MESUN BON

MAMA TIN HOPI LUZ DEN SU BUNITA CURASON

NOS TA GRADICI BON DIOS PA SU PROTECCION

Y CADA BENDICION DEN SU BIDA AYERA AWE Y MAYAN CU MAS FE 

 SU JESUS TA DEN DJE

SU JESUS TIN’E RONDONA

PA SU SERNAN STIMA

DANKI BON DIOS PA PERMITI MAMA UN OTRO ANJA CU BO FORZA Y PODER DIA PA DIA

NOS GRADICIMENTO AWE NA RUDIA

PABIEN NA MI DUSHI Y BUNITA MAMA AWE Y SEMPER 

PABIEN PA CADA DIA Y MAS ,CU BENDICION DEN SU HOGAR, SU CAS….

UN DUSHI SUNCHI RIBA MAMA SU FRENTA

UN DUSHI Y FELIS DIA DI MAMA

CU AMOR,

RUTHY