Den un despliegue impresionante di creatividad y experticio tecnico, Hapon a gana oro na e Copa Mundial di Pasteleria 2025, teni na Lyon, Francia, dia 20-21 di januari. E evento a reuni maestronan culinario di rond mundo, incluyendo ekiponan di Egipto, Sur Korea, y Mauritius, pa competi den un ‘showdown’ pa supremacia di dessert global.

Cada ekipo, componi di specialistanan den chuculati, sucu, y ijscream, tabatin apenas cinco ora pa traha tres dessert excepcional representando nan nacion: un dessert frozen, un dessert di restaurant, y un obra maestra di chuculati. E creacionnan ganador di Hapon a destaca pa nan diseñonan meticuloso y sabornan cu a celebra e herencia cultural rico di e nacion.

Entre nan entradanan sobresaliente tabatin un granita di lamunchi, peer, marigold, y chuculati forma manera un blachi di Asanoha (hemp) pa e dessert di restaurant y un ‘delicacy’ di apricot frozen parecido na un ‘spinning top toy’. “Nos a hinca e historia y cultura di Hapon den e diseño,” Masanori Hata, e experto di chuculati di e ekipo, a bisa. “Mi tabata asina sorprendi y no por a kere. Hapon a wordo reconoci dos torneo sigui. Mi ta contento y orguyoso.”

Francia, e pais anfitrion y historicamente un contendor fuerte, a sigura plata cu un creacion di webo di chuculati deslumbrante presentando un mousse di ‘soufflé’, manteca di citrico-vanilla, y ijscream di vanilla gegrill. Ekipo di Malaysia a logra su miho actuacion te ainda, tumando brons cu un dessert frozen cu a celebra e sabornan multicultural di e pais a traves di un mescla di citrico, apricot, y specerijnan.

E competencia a enfatisa no solamente e arte di traha pasteleria pero tambe orguyo nacional, mientras ekiponan a incorpora elementonan cultural den nan dessertnan y vestuario. Por ehempel, e ‘chefs’ di Francia a bisti ‘strepinan Breton’ clasico y ‘baretnan’, mientras cu e ekipo di Mexico a bisti mascaradanan inspira pa ‘sugar skulls’.

E top 10 ekiponan e aña aki tabata:

1. Hapon
2. Francia
3. Malaysia
4. China
5. Belgica
6. Italia
7. Sur Korea
8. Singapur
9. Reino Uni
10. Argentina

Mientras cu e Copa Mundial di Pasteleria a conclui, el a laga un legado di talento extraordinario y inspiracion, recordando mundo cu dessertnan ta tanto un celebracion di cultura como un testimonio di innovacion culinario.