FIA a dicidi di endurece e reglanan rond di e halanan patras di autonan di Formula 1, prome cu e temporada yega na e di nuebe careda na Spaña. E intervencion ta bin como resultado di un fenomeno aerodinamico nobo conoci como ‘mini-DRS’, un tecnica cu McLaren a introduci y cu cual teamnan inadvertidamente por reduci resistencia di aire. E adaptacion ta drenta na vigor caba durante e Grand Prix di China.

Kico ta ‘mini-DRS’?

E problema ta draai rond di e “slot gap”, e habrimento entre e dos elementonan horizontal di e hala patras. Normalmente e fluho di aire ta wordo limita ora cu e Sistema di Reduccion di Resistencia (DRS) ta cera. Pero algun team a descubri cu e ala patras na velocidadnan halto por dobla sutilmente door di e biento di careda, causando cu e “slot gap” ta bira mas grandi. Esaki ta baha e resistencia di aire y ta aumenta e velocidad maximo—similar na e funcionamento di un sistema di DRS regular, pero sin cu e coredo mester primi un boton.

Aunke cu e efecto aki ta permiti teamnan uza un hala patras mas grandi sin un influencia negativo riba e velocidad, e ta bay contra di e reglanan tecnico. Partinan aerodinamico movibel (fuera di e sistema oficial di DRS) no ta permiti. FIA ta aproba alanan normalmente ora e auto ta para keto, pero e fenomeno aki ta sosode netamente na velocidadnan halto riba e pista.

FIA Ta Actua Mas Liher cu a Spera

FIA a anuncia anteriormente cu testnan mas estricto lo drenta na vigor desde e GP di Spaña, pero awor ta interveni mas liher. Durante e entrenamentonan liber na Australia, camaranan a wordo poni riba e autonan pa analisa con e halanan patras ta comporta bou di presion. E doblamento observa tabata suficiente motibo pa establece limitenan mas stricto caba na China.

E reglamento actual ta stipula cu e “slot gap” bou di un carga vertical di 75 kg no mag cambia mas cu 2 milimeter. Desde e Grand Prix di China, e limite aki ta wordo endureci te na 0,5 milimeter. Pasobra e cambionan ta wordo introduci poco prome cu e careda, un tolerancia di 0,25 milimeter ainda ta wordo mantene.

McLaren y Otro Teamnan Informa

FIA a informa tur team riba dialuna mainta di e reglanan nobo. E federacion di automobilismo ta enfatisa cu tur auto durante e Grand Prix di Australia tabata legal ainda segun e reglanan original di 2025. Esaki ta nifica cu no tabatin violacionnan na Melbourne, unda Lando Norris a obtene su prome victoria, prome cu Max Verstappen.

E Grand Prix di China ta un weekend di careda di sprint, nificando cu teamnan tin menos tempo pa adapta nan autonan. Esaki por tin un influencia grandi riba e prestacion di cierto teamnan, specialmente esnan cu posiblemente a saca bentaha di e tecnica di ‘mini-DRS’. Cu e adaptacion di regla nobo aki, FIA kier preveni cu truconan aerodinamico ta influencia e competencia y sigura un tereno di wega igual.