Carlos Vives y Juan Luis Guerra ta saca videoclip di “Buscando el mar”

E cantante colombiano Carlos Vives a presenta e videoclip oficial di su cancion “Buscando el mar”, un colaboracion cu e artista dominicano Juan Luis Guerra. E tema aki ta forma parti di su ultimo album titulá El último disco, Vol. 1, cual ta rindi homenahe na e literatura di Gabriel García Márquez y e raisnan musical di Caribe.

Inspira pa e novela Cien años de soledad, e cancion ta tuma como punto di partida e buskeda di un salida di lama di e personahe José Arcadio Buendía. E video ta mustra e bunitesa di e costanan y mangelnan di Caribe colombiano.

Ademas, Vives a confirma su participacion den e concierto di caridad Un concierto para Venezuela, cu lo tuma luga dia 23 di augustus na Los Angeles bou direccion di Gustavo Dudamel. E evento aki lo recauda fondo pa yuda e comunidadnan afecta pa e reciente teremotonan den e pais.

____________________________________________________________________________

Madonna y Kylie Minogue ta saca nan prome cancion hunto

E reyna di pop Madonna y e artista australiano Kylie Minogue a anuncia e lansamento di nan prome colaboracion musical titulá “Love Sensation (Afterhours Mix)”. E cancion aki, cu ta un remix di e tema “Love Sensation”, lo wordo publica oficialmente awe, 7 di augustus.

E dos gran icononan di musica pop a presenta e tema aki pa prome biaha en bibo siman pasa durante un concierto den e marco di WorldPride na Amsterdam. E cancion aki ta forma parti di e mas reciente proyecto discografico di Madonna, titulá Confessions II, cual a sali na benta dia 3 di juli.

Den e album nobo aki, Madonna ta explora un biaha mas e generonan di musica electronica y dance, contando tambe cu colaboracion di otro artistanan internacional manera Stromae, Feid y Sabrina Carpenter. E lansamento aki ta bira realidad despues di añanan di speculacion entre e fanaticonan.

____________________________________________________________________________

Marc Anthony y Yandel lo ricibi homenahe na Premios Juventud

E cantantenan puertorriqueño Marc Anthony y Yandel lo keda reconoci como “Agentes de Cambio” den e proximo edicion di Premios Juventud, cual pa prome biaha lo tuma luga na Europa. E ceremonia lo wordo celebra dia 3 di september na e anfiteatro Starlite na Marbella, Spaña.

E reconocimiento aki ta pa honra e manera cu ambos artista ta uza nan influencia pa apoya causanan social. Marc Anthony ta destaca pa e labor di su fundacion Maestro Cares y pa e concierto benéfico Unidos por Venezuela. Di su banda, Yandel ta keda reconoci pa su gira Yandel Sinfónico, cual a combina reggaeton cu orkestanan local, uniendo mas cu 250 musico.

Ademas di e homenahe aki, tur dos artista ta nombra den diferente categoria di e certamen. E publico por vota te cu dia 10 di augustus, y e gala lo wordo transmiti pa medio di Univision, ViX y YouTube.

____________________________________________________________________________

Ariana Grande ta tuma un descanso di bida publico

E cantante mericano Ariana Grande lo tuma un descanso temporal di bida publico una bes cu e finalisa su gira “The Eternal Sunshine Tour”. Segun representante di e artista di 33 aña, e decision aki ta bin debi na e constante observacion y criticanan publico cu e ta enfrenta den e ultimo lunanan.

E gira lo yega na su fin dia 1 di september na London. Debi na e situacion aki, Grande a cancela tambe su participacion den e musical “Sunday in the Park with George”, cual tabata planea pa e proximo verano den e West End di e mesun ciudad.

Den ultimo tempo, e cantante a ricibi hopi comentario riba rednan social tocante su aspecto fisico y su salud, e intensidad di e debatenan aki a aumenta despues di e lansamento di su album nobo “Petal”. Sin embargo, su ekipo a aclaria cu e artista ta den bon salud y cu su show ta rekeri un gran esfuerso atletico cu e ta ehecuta exitosamente.

____________________________________________________________________________

Rosalía ta pidi disculpa na Argentina despues di polemica pa e Mundial

E cantante spaño Rosalía a pidi disculpa personalmente na su fanaticonan na Buenos Aires despues di e criticanan cu el a ricibi pa un publicacion riba rednan social tocante e derota di e seleccion argentino den e final di e Copa Mundial.

Durante su prome concierto di e gira Lux Tour na e Movistar Arena, e artista a splica entre lagrima cu nunca tabata su intencion pa ofende e publico argentino. E polemica a cuminsa ora cu e a repost un video riba TikTok cu tabata celebra e victoria di Spaña uzando e frase “perlas” pa referi na e rival. Rosalía a aclaria cu el a haci e repost hopi rapido sin tuma tempo pa lesa e contenido completo.

A pesar cu tabatin yamadanan pa boicot e show, e cantante a ricibi e cariño di su fanaticonan y a duna danki pa e apoyo, sigurando cu su amor pa Argentina ta keda intacto.

____________________________________________________________________________

Jaafar Jackson lo actua banda di Will Smith den e pelicula “Supermax”

E hoben actor Jaafar Jackson a confirma su participacion den e proximo pelicula di accion y suspenso titula Supermax, caminda e lo comparti escenario cu e actor reconoci Will Smith y e actriz AnnaSophia Robb. E proyecto aki ta bin despues di su exito rotundo den e pelicula biografico di su tio Michael Jackson, cual a recauda mas di mil miyon dollar rond mundo.

E produccion, cu ta wordo desaroya pa Amazon MGM Studios y Miramax, lo keda bou direccion di David Gordon Green. E historia ta trata di dos agente di FBI cu ta trata di soluciona un asesinato misterioso paden di un prizon di maxima siguridad. Maske detayenan di e personahe di Jackson ta keda secreto, a wordo revela cu e lo hunga un papel clave den e trama. E filmamento lo cuminsa e luna aki di augustus pa su estreno riba Prime Video.

____________________________________________________________________________

“Godzilla Minus Zero” lo wordo estrena na Festival di Cine di New York

E pelicula hapones “Godzilla Minus Zero”, dirigi pa e cineasta Takashi Yamazaki, lo tin su estreno mundial dia 26 di september durante e prestigioso Festival di Cine di New York. E evento lo tuma luga den e sala Alice Tully Hall, caminda Yamazaki lo presenta su obra banda di parti di e elenco y ekipo di produccion.

E largometrahe aki ta e secuela directo di e exito “Godzilla Minus One” (2023), cual a haci historia na e Premionan Oscar door di gana e estatua pa Miho Efecto Visual. E historia nobo ta desaroya na aña 1949, dos aña despues di e acontecimento di e prome entrega, y ta sigui cu e bida di e famia Shikishima mientras nan ta enfrenta un calamidad nobo. Yamazaki a expresa su emocion pa presenta e poder di e Godzilla hapones na un publico global, bolbiendo na e raisnan di e famoso monsternan.

____________________________________________________________________________

Spider-Man ta haci historia cu e di dos mihor estreno mundial

E pelicula nobo “Spider-Man: Brand new Day” a recauda 927 miyon dollar den su prome fin di siman rond mundo. Cu e cifra aki, e di cuater entrega protagonisa pa Tom Holland ta bira e di dos mihor estreno den historia di cine, solamente tras di “Avengers: Endgame”, y e exito di mas grandi di e aña aki.

E filmacion, dirigi pa Destin Daniel Cretton y cu participacion di Zendaya y Mark Ruffalo, a ricibi excelente critica cu un 90% di aprobacion riba Rotten Tomatoes. Merca a genera 355 miyon dollar, mientras cu e mercado internacional a aporta 572 miyon, encabesa pa China cu 121 miyon dollar.

Presidente di Marvel Studios, Kevin Feige, a expresa cu e debut fenomenal aki ta refleha e conexion fuerte cu e personahenan ta mantene cu e fanaticonan, preparando e caminda pa proyectonan emocionante den futuro.

____________________________________________________________________________

Dakota Johnson ta transforma su mes den Marilyn Monroe pa e cortometrahe “Flash Impact”

E actriz mericano Dakota Johnson ta encarna e iconico diva di Hollywood Marilyn Monroe den “Flash Impact”, un cortometrahe nobo skirbi y dirigi pa Maggie Gyllenhaal. E prome imagennan revela ta mustra un transformacion impecabel cu ta rindi homenahe na e era di oro di cine, destacando pa su elegancia y delicadesa.

A na edad di 36 aña—e mesun edad cu Monroe tabatin ora el a fayece na 1962—Johnson ta duna bida na e Marilyn hoben. Sin embargo, en bes di enfoca riba e tragico final di e leyenda, e proyecto ta explora un realidad alternativo: kico lo a pasa si Monroe a sobrevivi? Pa explora e madurez y behez di e personahe, e actriz reconoci Ellen Burstyn ta interpreta e version mayor di e diva.

Gyllenhaal a describi e cortometrahe aki como un “carta di amor” emotivo cu ta busca celebra e legado di Monroe desde un perspectiva profundamente humano.

____________________________________________________________________________