BTS Ta Opta pa No Participa den e Premionan Grammy di 2027

E famoso grupo di K-pop surcoreano, BTS, a anuncia cu nan a dicidi di no presenta nan musica pa consideracion den e Premionan Grammy di februari 2027. E decision aki a wordo comunica pa e shete miembronan di e banda—RM, Jin, Suga, J-Hope, Jimin, V, y Jungkook—di manera simultaneo riba nan cuentanan di Instagram.

E grupo a splica cu nan ta prefera cu nan musica wordo scucha y aprecia pa su balor artistico, en bes di wordo clasifica pa region of idioma. E anuncio aki ta yega poco despues cu e Academia di Grabacion di Merca a introduci un categoria nobo pa Mihor Interpretacion di Musica Pop Asiatico.

Apesar cu e miembronan di BTS tin derecho di voto den e organo aki desde 2019, nan no a yega di gana un premio ainda. Despues di completa nan servicio militar obligatorio, e grupo a lansa nan di cinco album di studio, Arirang, e aña aki y a inicia un gira mundial cu a kibra record di audiencia.

__________________________________________________________________________

Katy Perry Ta Condena Uzo di “Firework” den Video Militar di Cas Blanco

E cantante mericano Katy Perry a expresa su profundo disgusto y indignacion despues cu Cas Blanco a uza su cancion exitoso “Firework” sin su autorisacion den un video di TikTok cu ta mustra atakenan militar di Merca na Irán.

E video corticoo di ocho seconde tabata contene e estrofa “Boom, boom, boom, even brighter than the Moon” mientras e imagennan tabata devasta obhetivonan militar. Perry a aclarea via su red social X cu e no a autorisa, consulta, ni aproba e uzo aki. El a enfatisa cu a compone e cancion aki como un himno di speransa, sanacion, y forsa interior pa hendenan cu ta pasa den momentonan dificil, no pa celebra e destruccion y e guera.

E protesta di Perry ta uni na e reclamonan di otro artistanan cu a critica e uzo no-autorisa di nan musica pa propaganta of videonan politico di parti di e administracion mericano.

____________________________________________________________________________

‘Ciudad Shakira’: E Gran Proyecto di e Cantante Colombiano na Madrid

E artista colombiano Shakira ta construyendo un metropolis temporal inspira pa e realismo magico na e espacio Iberdrola Music na Madrid, como parti di su residencia final di e gira mundial. E compleho di 40 hectar aki lo hospeda ocho pabellon dedica na musica, moda, gastronomia, arte, y cine, cu e “Macondo Plaza” como e punto di encuentro central.

E residencia lo conta cu un total di 12 concierto entre e lunanan di september y october di e aña aki, ofreciendo un experiencia completo pa mas di 50,000 bishitante pa dia. E espacio lo habri for di merdia te cu meynochi, combinando e show principal cu exposicionnan y actividadnan cultural cu ta celebra e identidad latino.

E evento monumental aki ta marca e clausura di su gira exitoso Las Mujeres Ya No Lloran World Tour, cu a kibra record di asistencia rond di mundo.

____________________________________________________________________________

Bruno Mars Ta Sorprende su Fanaticonan na London Personificando Harry Potter

E cantante mericano Bruno Mars a soprende e publico britanico durante su reciente concierto na London, parti di su gira mundial The Romantic Tour, door di subi riba e escenario bisti como e famoso mago Harry Potter. Alehando temporalmente di su trahenan clasico, e artista a bisti e tunica di Hogwarts, y a tene e barita magico di e personahe literario.

E momento di mas impacto pa e miles di fanatico presente tabata ora cu un replica di Dobby, e elf domestico di e saga cinematografico, a aparece riba e escenario huntu cu ne.

E interaccion aki entre Mars y e figura di Dobby a genera un gran entusiasmo den e audiencia y a bira un fenomeno viral den e rednan social. Cu e gesto teatral aki, e cantante a combina e musica pop cu e universo di J.K. Rowling, demostrando su capacidad pa crea un show dinamico pa tur generacion.

____________________________________________________________________________

Romeo Santos y Prince Royce Ta Conkista Madrid cu e ‘Better Late Than Never Tour’

E dos icononan di bachata, Romeo Santos y Prince Royce, a ofrece un concierto inolvidabel cu e ticketnan completamente bendi den e estadio Riyadh Air Metropolitano na Madrid. Como parti di nan gira conhunto “Better Late Than Never Tour”, e artistanan di e Bronx a demostra cu nan kímica musical ta keda intacto, combinando nan exito y nan colaboracionnan mas reciente.

Cu un escenografia espectacular cu a recrea e ciudad di New York y un banda di 13 musico, e concierto a cuminsa cu ritmo suave di bachata e a transforma den un fiesta di regueton den e tramo final. E publico, mayoria latinoamericano, a canta e clasiconan inolvidabel di e grupo Aventura como “Obsesión”, y e exito “Corazón sin cara”.

E show a yega na su fin cu “Darte un beso” y “Propuesta Indecente”, marcando un parada exitoso di su gira europeo.

____________________________________________________________________________

Shakira Ta Despedi di e Ghetto Kids di Uganda Prometiendo “Amigo pa Semper”

E cantante colombiano Shakira a comparti un momento emotivo riba su rednan social pa despedi di e Ghetto Kids di Uganda, e colectivo di baile infantil cu a compaña e artista den varios di su presentacionnan, incluyendo e halftime show di e final di e Copa Mundial 2026.

Den e video, Shakira a priminti e muchanan cu nan lo bolbe topa na Madrid y cu nan lo keda “amigo pa semper.” E artista di Barranquilla a reflexiona riba e talento y e alegria di e grupo aki, urgiendo e gobiernonan y e sector priva pa inverti mas den e infancia vulnerabel y duna e muchanan aki e oportunidad cu nan ta merece.

Funda na 2014 pa e profesor Dauda Kavuma na Kampala, Ghetto Kids ta un organisacion sin fin di lucro cu ta uza baile y arte pa brinda refugio, educacion, y cuido medico pa muchanan huerfano y den situacion dificil den e barionan marginal di Uganda.

____________________________________________________________________________

Rosalía Ta Pidi Disculpa na Argentina Despues di e Polemica pa e Final di Copa Mundial

E cantante spaño Rosalía a keda envolvi den un fuerte polemica na Argentina apenas algun dia prome cu su proximo conciertonan na Buenos Aires. E controversia a cuminsa ora e artista a repost un video di Mia Khalifa unda tabata resona su cancion “La perla” pa burla di e derota di e seleccion argentino contra Spaña den e final di e Copa Mundial 2026.

E publicacion a provoca un ola di rechaso instantaneo riba rednan social di parti di e fanaticonan argentino, kendenan a interpreta e hecho como un provocacion directo. Mirando e reaccion negativo aki, tanto Rosalía como Mia Khalifa a kita e contenido di nan cuentanan.

Poco despues, e cantante spaño a pidi disculpa publicamente via Instagram, aclarando cu el a comparti e video unicamente pasobra su cancion tabata zona y cu e no a lesa e mensahe cu tabata compaña e post.

____________________________________________________________________________

Ryan Gosling Lo Hunga e Papel di Ghost Rider den e Universo di Marvel

E actor mericano Ryan Gosling lo drenta e Universo Cinematografico di Marvel (MCU) pa interpreta e personaje di Ghost Rider, segun Marvel Studios a anunsia oficialmente durante e San Diego Comic-Con. Gosling lo duna bida na e superhero di motorcycle, un papel anhela pa e fanaticonan pa varios aña.

E anuncio a wordo haci pa e presidente di Marvel Studios, Kevin Feige, kende a presenta Gosling y e director Shawn Levy riba e escenario. Levy, kende ta dirigiendo Gosling den e proximo pelicula di Star Wars: Starfighter, lo ta na encargo di dirigi e proyecto nobo aki tambe.

Mester spera cu e pelicula di Ghost Rider lo yega na e pantayanan grandi na 2028, marcando e regreso di e personahe aki cu antes a wordo interpreta pa Nicolas Cage na 2007.

____________________________________________________________________________

Karol G y Pedro Pascal Lo Ricibi un Strea na e Walk of Fame di Hollywood na 2027

E cantante colombiano Karol G y e actor chileno Pedro Pascal ta forma parti di un grupo selecto di 32 personalidad di e mundo di entretenimento cu lo ricibi nan strea riba e famoso Walk of Fame di Hollywood na 2027. E Camara di Comercio di Hollywood a revela e lista di e galardonadonan nobo aki, cu ta inclui reconocemento pa talentonan di cine, television, y musica.

Entre e otro nombrenan destaca cu lo ricibi e honor aki ta e actriz Lisa Kudrow—conocí pa su papel como Phoebe den e serie Friends—hunto cu e rumanan Elle y Dakota Fanning, e actor Idris Elba, e DJ spañol/frances David Guetta, y e agrupacionnan musical Linkin Park y The Ramones.

E ceremonianan di entrega lo wordo celebra den e transcurso di e aña 2027, bisando cu e fechanan exacto lo wordo anuncia un siman prome cu cada evento.