Grammy y Oscar lo Continua Apesar di Candela na LA, dedica na ‘First Responders’

Apesar di e candelanan forestal andando na Los Angeles, e Grammy y Oscar lo continua dia 2 di februari y 2 di maart, respectivamente, mientras ta incorpora esfuersonan pa apoya alivio di candela forestal. Preocupacionnan riba organisa eventonan glamuroso den medio di desplasamento amplio a provoca yamadanan di streanan manera Patricia Arquette pa reimagina e ceremonianan aki como teletonnan caritativo.

E Grammy, e prome pa confirma nan horario, lo honra prome respondenan y presenta un componente di recaudacion di fondo. E Academia di Grabacion ya a lansa un Esfuerso di Alivio di Candela di Los Angeles, distribuyendo mas di $2 miyon pa yuda profesionalnan di musica.

E Oscar, programa pa 2 di maart, a extende e deadline di votacion y a cancela nan almuerso di nominado. E Academia a compromete $750,000 na e Fondo di Pelicula y Television pa alivio di candela.

Shown di premio manera esakinan ta proporciona entrada crucial pa trahadonan den henter e industria di entretenimento mientras ta sirbi como plataforma pa aumenta concientisacion y recauda fondo pa esnan afecta pa e candelanan.

___________________________________________________________________________

Contenido Educativo di Ms. Rachel Ta Bay riba Netflix

Rachel Accurso, ampliamente conoci como Ms. Rachel, ta cla pa trece su serie di YouTube aclama pa Netflix. Cuminsando 27 di januari, televidentenan por stream un temporada di cuater episodio cu ta presenta lesnan interactivo riba letter, number, color, forma, y mas. Episodionan adicional lo sigui mas laat e aña aki.

Reconoci pa su enfoke atractivo pa educacion di mucha chikito, e videonan di Ms. Rachel ta incorpora canto, baile, wega, y tecnicanan aproba pa terapistanan di habla y expertonan di infancia tempran. Su contenido ta apoya muchanan chikito den yega na pasonan di desaroyo y domina habilidadnan di ‘preschool’, cu un enfoke riba comunicacion, expresion emocional, y crea lasonan cu famia.

Desde cu el a lansa su canal na 2019, Ms. Rachel a acumula 13.1 miyon di ‘subscriber’ y mas di 9 biyon di ‘view’. Conoci pa su diadema roos caracteristico, su videonan tambe ta inclui idioma di seña, rimanan di mucha, y canticanan cu ta resona cu audiencianan hoben.

Netflix ta describi’e como un educador apasiona cu ta inspira muchanan y nan famianan a traves di aprendisahe y conexion.

___________________________________________________________________________

Mayim Bialik ta Reuni cu Melissa Rauch riba ‘Night Court’

Mayim Bialik y Melissa Rauch, ex-co-streanan riba The Big Bang Theory, ta reuni riba pantaya den un episodio nobo di Night Court di NBC. Bialik ta aparece como invitado como un version exagera di su mes, mientras Rauch ta interpreta Hues Abby Stone y ta sirbi como productor riba e reboot di e serie di 1984-1992.

E episodio ta ofrece un ‘crossover’ nostalgico, cu e personahe di Rauch reconociendo Bialik como e strea di Blossom. Bialik a elogia e experiencia di actua hunto cu su amiga atrobe y a elogia e trabou di Rauch como productor.

Bialik tambe a comparti actualisacionnan riba su proyecto di rebibamento di Blossom, actualmente retrasa debi na asuntonan legal. Mientras tanto, e ta sigui presenta su podcast, Mayim Bialik’s Breakdown, enfocando riba bienestar mental.

Night Court ta transmiti riba diamars pa 8:30 PM ET riba NBC, cu episodionan disponibel pa stream e siguiente dia riba Peacock.

____________________________________________________________________________

Jimmy Kimmel Ta Regresa na ‘Late Night’, Emocional den Medio di Candela Forestal na LA

Jimmy Kimmel a entrega un monologo emocional riba Jimmy Kimmel Live! mientras Los Angeles ta lucha cu candelanan forestal devastador. Regresando na e studio despues di a evacua siman pasa, Kimmel a comparti con e candelanan a yega peligrosamente cerca di e set y a revela cu varios miembro di personal a perde nan cas.

“E tabata un experiencia repugnante, impactante, y horibel,” Kimmel a bisa, destacando e impacto amplio riba e comunidad. Apesar di e devastacion, el a nota e resistencia di e habitantenan di Los Angeles, elogiando esnan cu a ofrece nan mes como boluntario pa yuda otronan incluso despues di a perde nan propio cas.

Kimmel a expresa gratitud na bomberonan, polis, Guardia Nacional, trahadonan di rescate, y profesionalnan medico, enfatisando nan esfuersonan heroico. El a critica tambe e presidente electo Mericano pa comentarionan divisivo durante e crisis, scogiendo na su luga pa enfoca riba unidad y aprecio.

Kimmel a comparti un nota personal, revelando cu el a duna refugio na “19 persona y cuater cacho” durante evacuacionnan, subrayando e importancia di apoyo comunitario den temponan di crisis.

____________________________________________________________________________

IA Ta Recrea Voz Frances di Sylvester Stallone, Causando Critica di Yiu Muhe di e Actor Defunto

E defunto Alain Dorval, cu a duna voz na Sylvester Stallone den peliculanan dobla na Frances pa decadanan, a haya su voz recrea usando tecnologia di IA pa e pelicula Armor. Sinembargo, e yiu muhe di Dorval, Aurore Bergé, Minister di Igualdad Sexual di Francia, a expresa desaprobacion.

Bergé a declara cu e startup di IA basa na Reino Uni, ElevenLabs, a uza e bos recrea mas aleu di un prueba acorda, sin e consentimento previo di dje y di su mama. “Mi tata nunca lo a aproba esaki manera e ta,” el a skirbi den un post riba X cu awor a wordo elimina.

ElevenLabs a confirma nan colaboracion cu e famia di Dorval, afirmando cu nan no lo sigui a menos cu e IA ta cumpli cu standardnan di calidad y gana aprobacion completo di famia. E compania a enfatisa nan intencion pa respeta arte y tradicion mientras ta explora e potencial di IA den contamento di storia.

Armor, unda Stallone ta protagonisa como un chauffeur di truck blinda, a wordo lansa na Merca na november y ta programa pa Amazon Francia na maart.

____________________________________________________________________________

Drake Ta Demanda Universal Music Group pa Difamacion

Drake a entama un caso di difamacion contra su disquera, Universal Music Group (UMG), riba e promocion di e cancion di Kendrick Lamar, Not Like Us. E cancion supuestamente ta yama Drake un “pedofil certifica,” un acusacion cu e ta nenga vehementemente.

Segun The New York Times, Drake ta acusa UMG di dirigi un campaña pa haci e cancion un exito, asina plamando “acusacionnan demostrablemente falso.” E ta argumenta cu e disquera a priorisa ganashi riba su siguridad y bienestar. E caso tambe ta sugeri cu UMG por tin motibonan scondi, potencialmente usando e controversia pa presiona Drake pa firma un contract menos faborabel durante negociacionnan proximo.

Drake a clarifica cu Kendrick Lamar no ta un blanco den e caso, cu ta enfoca solamente riba e accionnan di UMG. Anteriormente, Drake a retira un caso separa contra UMG y Spotify, inicialmente reclamando cu nan a infla e cifranan di streaming di Not Like Us.

____________________________________________________________________________

Dave Grohl Ta Pasa Su di 56 Cumpleaños Cushinando pa Victimanan di Candela Forestal y Bomberonan

Dave Grohl, lider di Foo Fighters, a marca su di 56 cumpleaños door di cushina cuminda pa famianan desplasa pa candela forestal y bomberonan luchando contra e vlamnan na Los Angeles. Uniendo forsa cu Feed the Streets LA, un organisacion local, Grohl a prepara batchnan grandi di chili y personalmente a entrega cuminda na esnan den necesidad.

Videonan comparti pa e organisacion ta mustra e musico trahando den un cushina den aire liber, trahando weanan masivo di chili. Grohl ta un sostenedor activo di Feed the Streets LA, anteriormente yudando proporciona cuminda na personanan sin hogar durante tempo severo na 2023.

Un residente di Encino, Grohl a demostra consistentemente su compromiso na sostene comunidadnan vulnerabel. Su iniciativa di cumpleaños ta destaca su dedicacion na uza su plataforma pa impacto positivo, enfatisando cuido comunitario y solidaridad den temponan di crisis.

E acto di bondad aki ta alinea cu e ethos mas amplio di Grohl di compasion y generosidad, mustrando su compromiso duradero na duna bek mas aleu di su carera musical.

____________________________________________________________________________

Yolanda Saldívar Ta Busca Libertad Condicional 30 Aña Despues di Asesinato di Selena Quintanilla

Yolanda Saldívar, condena pa asesinato di prome grado pa e asesinato di Selena Quintanilla na 1995, a solicita oficialmente pa libertad condicional, segun e Departamento di Husticia Criminal di Texas. Saldívar, awor 64 aña, a wordo sentencia na prison pa bida largo cu e posibilidad di libertad condicional despues di a sinta 30 aña.

Pa sigui, Saldívar mester entrega documentacion rekeri, incluyendo cartanan di apoyo y protesta. Su caso lo wordo revisa pa un oficial di libertad condicional institucional, cu lo prepara un resumen pa e Hunta di Libertad Condicional di Texas.

E tata di Selena, Abraham Quintanilla, a comenta cu e famia no tin envolvimento den e decision, ya cu e ta wordo goberna pa ley di Texas. Mientras Saldívar tin e derecho di pidi libertad condicional, aprobacion no ta garantisa.

Saldívar ta keda encarcela na e Unidad Patrick L. O’Daniel na Gatesville, Texas, y a sugeri cu e lo revela su banda di e storia den un documentario proximo, Selena & Yolanda: The Secrets Between Them.

____________________________________________________________________________

Britney Unfiltered: Un Documentario cu Ta Cuestiona e Sistema Tras di Britney Spears

Cuminsando diaranson awor, e plataforma di streaming gratis ARTE.tv ta estrena Britney Unfiltered, un serie documental dirigi pa Jeanne Burel cu ta profundisa den e bida y carera di Britney Spears. E serie ta examina criticamente e industria musical y e forsanan social cu a construi y despues a destrui e iconico “Princes di Pop.”

Abarcando cinco episodio, e serie ta presenta grabacionnan di archivo y perspectivanan di expertonan, incluyendo periodistanan y psicologonan, pa explora con Spears a bira un simbolo di cultura di celebridad moderno. For di su comienso na Disney te na su ascenso meteórico na 1998, e documentario ta destaca e tension entre puritanismo y e obsesion di sociedad cu sexualidad den forma su exito inicial.

E storia tambe ta atende e scrutinio implacable di media, e curatela restrictivo imponi pa su tata, y e bataya legal recien di Britney pa reclama su libertad, lantando preguntanan mas amplio tocante e interseccion di media social y cultura di celebridad.

____________________________________________________________________________