APELACION di Alto Comisario Dolfi Richardson contra di su suspension y eventual retiro, no a prospera ya cu e Comision di Apelacion di Siguridad Nacional di Aruba, despues di a atende e peticion di apelacion di e funcionario halto kende tabata encarga cu Nationaal Centraal Bureau Terrorismebestrijding, Veiligheid en Interpol. Na luna di mei el a ser informa pa Minister di Husticia y leiding di KPA cu e lo por sigui ocupa e puestonan ariba menciona ya cu su persona lo a logra di pasa pruebanan di su integridad den bon forma.

E caso ey tabata hermeticamente cera y no a bin mucho informacion dilanti y mientras cu a drenta ordo pa Dolfi entrega yabi di su oficina y otro materialnan, a ripara cu e oficial halto di polis a sigui atende cu su responsabilidad diariamente. Esaki a bira posibel na momento cu sr Richardson a dicidi di apela e decision di Minister di Husticia y su apelacion a ser atendi p’e Comision di Apelacion cu siman pasa a informa tur hende di e resultado final, esta a bolbe confirma cu Dolfi no tin e integridad pa carga e responsabilidad cu su funcionnan ta exigi.

E oficial halto di polis a haci su mes culpabel na loke ultimo añanan a bira un topico hopi conoci tanto na Hulanda como na Merca y no solamente riba nivel di gobierno pero den tur nivel industrial y comercial, fundacion y organisacionnan deportivo. Dolfi Richardson a haci su mes culpabel na loke a conoci na Hulanda ultimo añanan, esta “grensoverschrijdend gedrag” caminda el a practicamente den cierto sentido abusa di su posicion, faltando respet na coleganan den cuerpo policial.

Un di e puntonan mas delicado pa Richardson, tabat’e hecho cu su persona lo a tene un of otro contacto fisico of verbal cu varios colega cu tabata hunto cu su persona of den e cuerpo mes, cu ta algo cu no ta cuadra cu e posicion cu e tabata responsabel p’e. E tipo di casonan aki a cuminsa desaroya ultimo añanan caminda na varios ocasion a bay over na retira personanan cu no a mustra respet pa hendenan cu tabata traha cu nan y den e industria cinematografico na Merca, esta Jeffrey Epstein kende a pone fin na su bida den prizon. The Voice Holland cu ta un di e programanan mas popular cu tabatin, tambe a haya nan mes den un scandal na momento cu e coordinado musical y un di e famoso huesnan den e evento, esta Ali B, a wordo acusa di actonan sexual no desea.

Na Merca tambe tin varios di e casonan aki bou di investigacion mescos cu na Hulanda y ta mustra cu e caso aki di Dolfi Richardson, e proceso aki tambe lo lanta cabes y lo tin denuncianan cu lo wordo haci pa actonan no desea di un of otro manager, oficial halto den departamentonan di gobierno y tambe den e sector priva.

Ayera oficialmente Richardson a bolbe wordo prohibi di drenta edificionan di cuerpo policial y lo tin cu entrega tur propiedad di polis, tur yabi di su oficina y di otro edificionan di cu Nationaal Centraal Bureau Terrorismebestrijding, Veiligheid en Interpol. Tweede Kamer di Hulanda recientemente a atende cu leynan pa atende cu e incidente aki y a trece cambio y e articulo ta bisa lo siguiente: 

“Regeringscommissaris seksueel grensoverschrijdend gedrag en seksueel geweld Mariëtte Hamer komt met een nieuwe editie van de handreiking voor organisaties over seksueel grensoverschrijdend gedrag op de werkvloer. Deze volgt op een prototype dat vorig jaar is verschenen. De belangrijkste verandering in deze nieuwe editie is een verbreding van de aanpak: van goed omgaan met meldingen van seksueel grensoverschrijdend gedrag naar een strategie voor preventie en cultuurverandering binnen je organisatie.”

Pues ta momento pa Parlamento di Aruba tambe atende cu e asunto aki y no solamente fiha reglanan estricto pero tambe pone trahadonan publico y tambe den e sector priva, na altura di loke ta nan derecho, esta kico nan superiornan por haci y kico nan no tin mag di haci na momento di atende cu nan subalterno.