loader image

Contrabandistanan di Hende Ta Cambia Ruta pa Belgica 

by | Nov 4, 2026 | Noticia Internacional | 0 comments

Control Mas Severo na Francia Ta Desvia e Problema

E lucha contra migracion ilegal crusando e Canal Ingles a haya un dimension geografico nobo. Contrabandistanan cu ta purba transporta migrante den botonan chikito di rubber (dinghies) for di nort di Francia pa Reino Uni ta coriendo bay cada bes mas pa e costa di Belgica. E controlnan mas estricto na Francia parce di tin efecto, pero na mes momento ta creando un dolor di cabes nobo di siguridad pa Belgica.

Polis Belgico a spierta cu e rednan di contrabanda ta expandiendo nan operacionnan canto di un area costal mas hancho. Mientras Calais y Duinkerke tabata e puntonan principal di salida pa hopi aña, awor pueblonan costal manera De Panne, Nieuwpoort, De Haan y Knokke-Heist ta confronta actividadnan sumamente sospechoso.

Segun agencia Reuters, den e prome lunanan di 2026 so ya a keda registra 17 intento di salida for di Belgica. Esaki ta un subida remarcabel compara cu e maximo di dos intento pa aña cu tabata keda registra desde 2021. E presion combina di autoridadnan Britanico y Frances a forsa e organisacionnan criminal aki pa busca rutanan alternativo.

Un crusada hopi mas peligroso

E modus operandi di e traficantenan ta birando hopi organisa. Nan ta transporta migrante for di Francia den auto of bus pa e costa Belgico, caminda ta sconde nan temporalmente mientras otro vehiculonan ta hiba e botonan di rubber, motornan y gasolin.

Algun red ta uza asina yama “botonan taxi”, saliendo for di Belgica cu un grupo chikito y navegando canto di costa pa piki mas hende prome cu crusa e lama grandi. E distancia for di Belgica pa Inglatera ta considerablemente mas largo, haciendo e biahe hopi mas peligroso. E Lama di Nort y e Canal Ingles ta entre e rutanan maritimo mas ocupa na mundo; e botonan aki ta bay sobrecarga, den mal condicion y no ta apto pa e mareanan peligroso.

Na maart, autoridadnan a rescata 19 persona for di un boto di rubber cu tabata zink na De Haan; apenas un persona tabatin un salbabida bisti. E migrantenan aki ta paga te cu 2.000 euro sin ningun garantia di por crusa, mientras e traficantenan ta haci negoshi lucrativo a costo di nan desesperacion y bida.

Belgica ta purba frena e menasa na tempo

Autoridadnan Belgico kier preveni pa nan costanan bira un di dos Calais. Polis ta vigila playanan y duinnan cu helicopter y drone, haciendo controlnan pisa riba vehiculonan sospechoso.

Banda di esaki, e gobierno Britanico a pone fondonan disponibel pa yuda e servicionan di siguridad Belgico. Na september 2026, ambos pais a cera un acuerdo pa intercambia inteligencia policial directo y rapido pa kibra e rednan financiero y logistico tras di e negoshi. Comision Europeo tambe a introduci un plan di accion special pa reforsa frontera.

Maske e National Crime Agency Britanico a raporta un caida di 41% den yegadanan di boto chikito den e prome mita di 2026, e desplasamento pa Belgica ta demostra con lihe crimen organisa ta adapta su mes. Ora sera un porta, nan ta habri un bentana: e bataya contra contrabanda di hende no ta limita mas na un solo pais y ta exigi cooperacion internacional sin fayo.

0 Comments

Submit a Comment

Your email address will not be published. Required fields are marked *

Download of lesa e ultimo corant publica.

Categoria Noticia Busca Archivo Modo

Categorias

Busca Articulo

Enable Notifications OK No thanks