Aeropuerto di Aruba ta preparando pa lansa operacionnan na su terminal nobo di check-in pa Merca, marcando un paso importante den su mision pa mehora experiencia di pasahero y eficiencia operacional. E apertura den fase di e terminal lo cuminsa riba diamars, 8 di april 2025, cu un transicion completo spera pa fin di mei.

Pa sigura un transicion sin problema, Aruba Airport Authority (AAA), den colaboracion cu Chrysalis Global Consulting—un compania specialisa den Preparacion Operacional y Transicion di Aeropuerto (ORAT)—a conduci mock trials extensivo. Esakinan a inclui pasaheronan boluntario simulando proceduranan di check-in y manipulacion di maleta di bida real, permitiendo e aeropuerto test e fluho di pasahero y sistemanan tecnico den un ambiente bibo. E pruebanan aki tabata esencial den refina operacionnan y sigura e preparacion di tur infrastructura prome cu lansamento di e terminal.

“E transicion aki ta marca un logro significativo den nos esfuersonan continuo pa mehora e experiencia di aeropuerto,” Marylou Van der Linden, Manager di Operacionnan na Aeropuerto di Aruba a bisa. “Door di traha estrechamente cu partnernan di aerolinea y manehadornan na tera, nos ta estableciendo un proceso di check-in eficiente y enfoca riba pasahero.”

E introduccion den fase di e terminal nobo lo cuminsa cu tur aerolinea maneha pa General Air Services (GAS)—incluyendo Delta Air Lines, United Airlines, Southwest Airlines, y Spirit Airlines—mudando pa e facilidad nobo dia 8 di april. Pa 29 di april, ta spera cu tur transportista Mericano, incluyendo esnan maneha pa AGS/Swissport manera JetBlue y American Airlines, lo ta completamente transiciona.

E cronologia pa implementacion ta lo siguiente:

• Maart: Finalisacion di training y operacionnan di prueba cu participacion di personal di AAA, ekiponan di aerolinea, y manehadornan na tera.
• April: Operacionnan inicial di aerolinea ta cuminsa na e terminal nobo.
• Mei: Lansamento completo di e terminal nobo, cu tur vuelo destina pa Merca procesa via e facilidad actualisa.

E apertura di e terminal aki ta representa un upgrade grandi na e infrastructura di aeropuerto di Aruba, mehorando eficiencia y comodidad pa e mas cu 3 miyon biahero anual cu ta pasa door di Aeropuerto Internacional Reina Beatrix (AUA). Cu mas cu 25 aerolinea sirbiendo 45 destinacion non-stop, Aeropuerto AUA ta un di esnan mas druk y miho conecta den Caribe.

Aruba Airport Authority a expresa su aprecio pa e cooperacion y pasenshi di tur stakeholder y biahero durante e transicion. Actualisacionnan y mas detaye lo wordo comparti mientras e fase final di lansamento ta yega na mei.Pa mas informacion, bishita www.airportaruba.com of sigui Aruba Airport riba medionan social